TATLO NADAKPAN SA BUY BUST OPERATION SA SILAY CITY

Share on facebook
Share on google
Share on pinterest
Share on twitter
Share on print

Arestado ang tatlo ka persona nga yara drug watchlist sang otoridad sa ginpatigayon nga buybust operation sang Silay PNP sa Barangay 1, syudad sang Silay kahapon, Lunes.

Ang subject sang operasyon ginkilala kay Stephen Gamboa, 40 anyos, Roy Flores, 45 anyos kag Ronald Labrador, 26 anyos lunsay nagapuyo sa amo man nga Barangay.

Narekober sa mga suspetsado ang pulo ka plastic sachet sang ginapatihan shabu may market value nga 61,200 pesos, 4,000 pesos nga buybust money kag drug paraphernalia.

Suno kay PMaj Rollie Pondevilla, hepe sang Silay PNP, mga wala sang permanente nga trabaho ang suspek, rasun nga nagabaligya nalang sang iligal nga droga.

Sa pihak nga bahin, ginpalayag ni Pondevilla nga nagdiutay na ang iligal nga droga sa iya nasakupan, matapos sa padayon sini nga pagpangdakop.

Ginhalimbawa sini nga sadto indi magnubo sa isa ka milyon ang masami nagakadakpan, apang subong manubo nagid lang, bangud sa asud-asod nga operasyon.

Nahibal-an, dira nagapuyo si Michael Garcia, ang ginatudlo sang otoridad nga isa ka kilala lun droga ang pagahambaman. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.