Nadakpan ang tatlo ka mga persona sa buy bust operation nga sang Special Action Team sang Philippine Drug Enforcement Agency (PDEA)- VI sa Purok Masinadyahon, Barangay 12 syudad sang Bacolod kaina sang hapon, Hunyo 9.
Ang mga nagkaladakpan ginkilala Thelma Tabudlong, 48 anyos; Jenny Cris Rofelos, 33 anyos kag Eduardo Tabudlong, 48 ang edad kag lunsay residente sang amo nga lugar.
Suno kay Agent Bamboo sang PDEA-VI, nakabaton sila sang report nga nagdamo ang nagabaligya sang ilegal nga droga sa amo nga lugar rasun kun ngaa ila man gilayon ginpatigayon ang surveillance.
Narekober sa buy bust operation ang isa ka dako, isa ka medium-sized, isa ka palaba kag isa ka gamay ng sachet sang ginasuspetsuhan shabu tanan ginabulubanta nagabug-at pito ka gramos kag may estimated market value nga 45 mil pesos, kwarta kag pila ka mga drug paraphernalia.
Priso karun ang nga nadakpan sa custodial facility sang Police Station 1 para sa nagakaigo nga disposisyon. | Aksyon John Diaz