MENU

TATLO KA PERSONA NGA GIN ALEGAR NAG BATO SA BARANGAY TANOD SANG GIN SAWAY, GIN DAKOP

  • at 7:16 pm
Share on facebook
Share on pinterest
Share on twitter
Share on print

Nagkaladakpan ang tatlo ka mga persona nga gin-alegar nagbato sa mga Barangay Tanod sa Dap-dap, Had. Remidios, Barangay Balabag, syudad sang La Carlota.

Ang mga suspetsado ginkilala nga sanday Edilito Salazar, 27 anyos, Michael Camilo, 36 anyos kag isa ka menor de edad tanan nagapuyo sa amo man nga lugar.

Sa imbestigasyon sang La Carlota PNP, nakit-an sang Barangay Tanod ang mga suspetsado nga naga-inom sang makahulobog nga ilimnon kag may bitbit nga 12 gauge shotgun.

Gintinguhaan nga kumpiskahun sa ila, apang nagbato, rasun nga ginpangdakop ang mga ini kag priso na sa custodial facility kag yara naman sa Women’s and Children’s Protection Department ukon WCPD ang menor de edad para sa proper disposition. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

ANUM KA REGISTRATION SA COMELEC BACOLOD WALA GIN APRUBAHAN SANG ERB

April 16, 2024

Wala gin aprubahan sang Election Registration Board ukon ERB ang registration sang anum ka mga indibidwal sa Comelec Bacolod.

Ini kadungan sa pag umpisa sang ERB hearing subong nga semana sa masobra 12 mil ka mga indibidwal nga nag parehistro sa Comelec Bacolod sa una nga quarter sang tuig.

Suno kay Election Officer Atty. Kathrina Trinio-Caña, chair sang ERB, ang mga wala na aprubahan ang bangud may existing nga registration sa iban nga lugar, matapos nakit-an ang ila ngalan sa national list of registered voters sa Comelec national.

Ginpahayag ni Trinio-Caña, indi dapat ‘new’ ang application sang mga wala gin aprubahan kundi dapat ‘transfer of registration’.

Pero ginklaro ni Trinio-Caña nga pwede pa sa gihapon nga maka parehistro ang mga wala na aprubahan pero ‘transfer of registration’ na ang type of application.

Gina amat-amat naman deactivate sang ERB ang 24 mil ka mga registration nga napaslawan nga makaboto sa duha ka sunod-sunod nga eleksyon.

Iga cleanse man sang Comelec ang listahan sang mga botante nga nagtaliwan na ukon nagsaylo sang ila registration.

What’s your Reaction?
+1
0
+1
0
+1
0
+1
0
+1
0
+1
0
+1
0

BTAO NAG ISYU MEMO KONTRA SA MGA PERSONNEL NGA NAGAHIMO SANG ILEGAL

April 16, 2024

Iga terminate sang Bacolod Traffic Authority Office kag mangatubang sang kaso ang mga personnel nga madakpan nga nagahimo sang ilegal nga aktibidad partikular na ang korapsyon.

Ini ang kaundan sang memorandum nga gin isyu ni BTAO Chief Patrick Lacson napetsahan abril 16, 2024.

Nobiembre 2023 sang nagpungko si Lacson bilang officer-in-charge sang BTAO kag ginpatuman ang one-strike policy sa mga illegal nga aktibidad kag korapsyon.

Suno kay Lacson, indi lamang termination ang konsekwansya sa naga himo sang korapsyon, kundi may yara sang kaso nga ipasaka batuk sa BTAO personnel ilabi na kon may mabakod nga ebidensya.

Ginpahayag ni Lacson, halin sa iya nga pagpungko sa BTAO, kapin 30 na mga BTAO personnel ang iya napahalin bangud sa mga nagkalain-lain nga bayolasyon samtang may mga regular nga empleyado nga may sala ang gina transfer sa iban nga opisina kaangay sang POSO.

Liwat nga ginpabutyag ni Lacson ang iya suporta sa anti-corruption drive sang Benitez administration.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.