Temporaryo nga ginpasira ang opisina sang Bago City Disaster Risk Reduction Management Office matapos nag positibo sa Covid-19 ang ila 3 ka nurses kag 1 ka utility.
Suno kay Bago City Mayor Nicholas Yulo, nag-umpisa na sila sa contact tracing para sa mga naka contact sang 4 ka mga nagpositibo kag magapatigayon man sila sang assessment.
Dugang pa sang Alkalde, ang wala madala sa contact tracing ang mahimo makabalik sa trabaho matapos ang 2 tubtob 3 ka adlaw nga assessment nga ila ipatigayon.
Nahibaluan, ang mga frontliners nga nagpositibo ang nakigbahin sa mass testing nga programa sang probinsiya.
Panugyan ni Yulo, indi ma apektuhan ang trabaho sang CDRRMO bangud may iban man nga units ang maga bulig kag ma obra sang ila trabaho.
Suno pa sa Alkalde, nga sa 800 nga target sa mass testing sa syudad 318 lamang ang nagpa swab. | Aksyon Eden Aboso
