TATLO KA LSIs NGA NAG GWA BISAN WALA PA RESULTA SANG TEST, GIN SAYLO SA QUARANTINE FACILITY

Share on facebook
Share on google
Share on pinterest
Share on twitter
Share on print
(Kapitan Rosinie Distrito FB Photo)

Ginpakuha ni Kapitan Rosinie Distrito sang Brgy. Singcang Airport ang duha ka lalaki nga Locally Stranded Individuals ukon LSIs matapos nga gin alegar nakit-an ang mga ini nga naga inom-inom sa dalan samtang wala pa nagwa ang resulta sang ila nga RT-PCR Test.

Base sa record sang Barangay, ang LSIs ang gikan sa Pampanga kag nag abot sa Singcang-Airport sadtong Sabado nga adlaw.

Sa interview sang Aksyon Radyo, gin pahayag ni Distrito, nga nakabaton sila sang reklamo gikan sa mga pumuluyo nga nagwa ang duha ka LSIs sa ila balay kag nag inom-inom sa kilid sang dalan.

Suno sa Kapitan, nag palapit sa iya ang asawa sang isa ka LSI kag nanginwala kag mistaken identity ang natabo.

Suno pa kay Distrito, may yara man sadto isa ka babaye nga gikan sa Manila nga gin alegar nag videoke bisan wala pa ang result sang iya swab test.

Ang tatlo nga dapat mag home quarantine ang gin saylo na sa isa ka quarantine facility sang syudad.

Nag panugyan si Distrito sa mga LSIs nga sundon ang gina patuman nga polisa sang syudad bangud madamo sang mahalitan sa tion nga mag positibo ang mga ini sa virus kag iya man gina lantaw nga sila ang basulon sa palaabuton.

Sa karon, ang Singcang-Airport ang may kapin 20 ka mga LSIs nga gina monitor. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.