TATLO KA ILIGAL NGA NAGA PANGISDA, NADAKPAN

Share on facebook
Share on google
Share on pinterest
Share on twitter
Share on print
(PCG-Negros Occidental Photo)

Arestado ang tatlo ka mga persona matapos naaktohan sang otoridad nga ilegal nga nagapanagat sa baybayon sa syudad sang Silay gab-i sang Mayo 6.

Ang mga nadakpan ang ginkilala nga sanday Nonoy Baylosis, 48, Gregorio Saura, 52, kag Anjelo Bedanio, 51 anyos lunsay nagapuyo sa Brgy. Guinhalaran, sa amo nga syudad.

Suno kay PCG-Negros Commander Jansen Benjamin, samtang nagapatigayon sang seaborne patrol ang mga katapo sang PCG upod ang PNP Maritime group, naaktuhan sang mga ini ang mga nadakpan nga sakay sa ila tagsa ka mga Trawl kag ilegal nga nagapangisda.

Dugang pa ni Benjamin, sa pihak sang ila kampanya angot sa pagdumili sang pagpanagat gamit ang “trawl”, padayon sa gihapon nga nagapasaway ang mga ini. Narekober sa mga suspetsado ang (3) tatlo ka set sang Fishing Net (Trawl) kag (3) tatlo ka pares sang Board kag yara na sa kostudiya sang PNP- Maritime Group.

Ang mga nadakpan ang magapangatubang sang kaso nga paglapas sang section 86, 95 kag 113 sang R.A. 10654 ukon “The Philippine Fisheries Code of 1998”. | Aksyon Alvin Grava

MORE STORIES:

ANU ANG IMO MA KOMENTO?

error: Ooops... You are not authorized to copy this content.