Patay ang tatlo ka mga gina patihan myembro sang New People’s Army sa enkwentro nga nag luntad sa Sitio Namundua, Brgy. Cambudlas, banwa sang Bindoy, Negros Oriental takna las 4:30 sang hapon, Abril 30.
Suno kay Colonel Inoncencio Pasaporte, 303rd Infantry Brigade Commander, papuli na ang tropa upod ang Bindoy Pulis matapos nag hatag sang seguridad sa tagtaganay sang ayuda sang Social Amelioration Program sa lugar.
Suno kay Pasaporte, samtang naga pauli nakabaton sang impormasyon ang ila tropa nga may presensya sang kapin 10 tubtob 15 ka mga NPA sa lugar.
Dugang pa ni Pasaporte, matapos ang pagbayluhanay sang luthang, nag palagyo padulong sa Brgy. Salong nga direksyon ang mga rebelde.
Narekover sang Army ang Armscor 12 gauge shotgun, magazine nga may mga bala, backpacks kag mga personal nga gamit nga nabilin sang mga nag palagyo nga rebelde.