Kabankalan City – Ginmandu ni Senior Superintendent Rodolfo Castil Jr, Provincial Director sang Negros Occidental Police Provincial Office sa hepe sang Kabankalan City PNP nga si Superintendent Jonel Guadalupe nga himuon ang tanan kag gamiton ang tanan nga pamaagi agud gilayon nga maresolba ang kaso sa pagpatay kay Atty. Benjamin Ramos.
Suno kay Castil, gintukod ang Special Investigation Task Group kon diin amo ang magatutok sa kaso.
Nagapakig-unong man si Castil upod ang kapulisan sa probinsiya sa pamilya ni Ramos. Angut sini, nagpapanaog man sang mandu si PNP Regional Director Chief Supt John Bulalacao ang maidid nga imbestigasyon sa amu nga kaso.
Samtang nagpalab-ot naman sang pagpakig-unong si Bulalacao sa pamilya ni Atty Ramos kag ginpasiguro ang madasig nga resulta sang imbestigasyon kag mapasaka gilayon ang kaso batuk sa mga suspetsado.*Eden Aboso