TASK FORCE DISIPLINA: 95% SANG MGA NADAKPAN WALA NAGA SUKSOK SANG FACE MASK

Share on facebook
Share on google
Share on pinterest
Share on twitter
Share on print

95% sang mga nadakpan sang Task Force Disiplina ang wala naga suksok sang facemask ukon indi insakto ang pag suksok sang face mask.

Ini suno kay Bacolod Vice Mayor El Cid Familiaran, chair sang Task Force Disiplina kasunod nga 81 na ang nadakpan nga nag bayolar sang minimum health standard.

Suno kay Familiaran, kalabanan sa mga nag bayolar mga residente sang Bacolod nga wala naga suksok sang face mask ukon ang face mask ang gina butang sa liog.

Dugang pa ni Familiaran, base sa impormasyon gikan sa City Treasurer’s Office may pila naman ka mga gin isyuhan sang citation ticket ang nagbayad sang penalidad nga 200 pesos para sa residente sang Bacolod kag 300 pesos para sa mga taga indi Bacolod ukon walo ka oras nga community service.

Samtang, gin pahayag sang Bise-Alkalde nga wala pa na deputize ang mga traffic enforcers bilang kabahin sang Task Force Disiplina nga hatagan sang otoridad nga magpangdakop.

Suno sa Bise-Alkalde, ila pa sa karon gina hulat ang mangin sabat ni Mayor Evelio Leonardia sa ila nga suhestyon. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.