TASK FORCE BOTAGOY GIN KUMPISKAR ANG 63 KILOS NGA ‘HOTMEAT’ SA BRGY. BANAGO

Share on facebook
Share on google
Share on pinterest
Share on twitter
Share on print
(Task Force Botagoy Photo)

Narekover sang Task Force Botagoy ang 63 kilos sang hot meat ukon iligal nga gin-ihaw nga karne sang baboy sa routine inspection sa Purok Tinagong Paraiso kag Purok Riverside, Brgy. Banago syudad sang Bacolod sadtong Nobiembre 1.

Suno kay Task Force Botagoy Head Martin Pinaga, una nga na kumpiskar ang 28 kilos nga hot meat sa Purok Paraiso nga gina panag-iyahan ni Rodrigo Maniego, matapos nga may concerned citizen nga nag reklamo.

Suno kay Pinaga, sang ila gin usisa ang gina baligya nga baboy, didto natukiban nga wala ini sang Meat Inspection Certificate ukon MIC kag wala sang tatak nga nag labay sa AVM Bernardo Slaughterhouse.

Narekober man sang Task Force ang 35 kilos nga hot meat nga wala man sang MIC sa Purok Riverside nga gina panag-iyahan ni May Rodriguez.

Gin paathag ni Pinaga nga gin kumpiskar lamang nila ang mga karne kag gin lubong sa Barangay Handumanan kag wala sang penalidad nga gin papanaug sa mga tag iya sang hot meat bangud ini ang first offense pa lamang. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.