TASK FORCE ASF NABALABAGABN ANG 1M NGA BALOR SANG SIOPAO

Share on facebook
Share on google
Share on pinterest
Share on twitter
Share on print

Masobra sa isa ka milyon ka pesos nga bili sang pork siopao ang nabalabagan sang African Swine Fever Task Force sa Bredco Port, gab-i sang Oktubre 16.

Suno kay Dr. Renante Decena, provincial veterinarian, pagwa na kuntani ang container van sang madiskubrihan sang ASF Task Force.

Ginapatihan nga ang shipment ang naghalin sa Luzon, pakadto sa Mandaue, Cebu kag ginpa-agi sa Escalante antes dal-on sa Iloilo paagi sa Bredco Port.

Ang container van ang may karga nga 8, 640 ka packs sang nagkalain lain nga pork siopao nga nagalakip sang premium asado, premium bola-bola kag premium spicy asado.

Ang shipper ang taga Mandaue City, Cebu kag ginapatihan supplier sang isa ka dako nga food chain sa Bacolod.

Suno kay Decena, matapos ma usisa ang mga dokumento, ginpabalik ang kargamento sa shipper. Palayag ni Decena, may ginaduso ang mga stakeholders nga mangin permanente ang pagdumili sa pagsulod sang pork products sa probinsiya. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.