TANAN NGA EMPLEYADO SANG PROVINCIAL ADMINISTRATOR’S OFFICE IPAIDALUM SA SWAB TEST

Share on facebook
Share on google
Share on pinterest
Share on twitter
Share on print

Nagpositibo man sa Covid-19 ang isa pa ka empleyado sang Provincial Administrator’s Office sang naguwa kagab-i ang swab test result.

Suno kay Provincial Administrator Atty Rayfrando Diaz II, duha na ang positibo sa iya opisina kag karun yara na sa isolation facility sa Mambucal, Banwa sang Murcia.

Dugang ni Diaz, ipa-swab test buwas (Domingo) ang tanan nga empleyado sa amo nga opisina, agud masiguro ang kahimtang sang mga ini.

Hilway naman ang admistrador, bangud may separar ini nga kwarto sa kabug-osan nga opisina.

Palayag pa ni Diaz, iga-anunsiyar lang sini kun san-o magbalik bukas ang ila opisina, matapos nga temporaryo nga nagsira ini sadtong Abril 29, 2021. | Aksyon Bryan Morden

VACCINATION KONTRA COVID-19 SA AYALA MALL NAG UMPISA NA

(Bacolod PIO Photo, May 8, 2021)

Ginkalipay ni City Administrator kag EOC Executive Director Em Ang nga nangin matawhay ang vaccination activity karon nga adlaw sa Ayala Mall.

Suno kay Ang, husto ang desisyon nga ginhimo sang EOC nga indi dapat pagtugutan nga maka pabakuna ukon akomodahon ang pila ka mga indibidwal nga wala maka pa rehistro ukon gina kabig nga mga walk in applicants.

Dugang pa ni Ang, ini na ang estratehiya nga ila paga gamiton umpisa sa masunod nga semana angut sa naga padayon nga vaccination program sang syudad.

Base sa plano sang EOC, yara lamang sa 200 ka mga indibidwal ang ila plano nga akomodahon kada adlaw para malikawan ang pag ginutok sang publiko ilabi na sa mga mall nga ila gin utilize bilang vaccination center. | Aksyon Art Tayhopon

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.