TALISAYNON OFW NGA NAKA RECOVER SA COVID-19, NAKA GWA NA SA PROVINCIAL HEALING CENTER

Share on facebook
Share on google
Share on pinterest
Share on twitter
Share on print

Nakagwa na sa Provincial Healing Center sa EB Magalona ang Talisaynon repatriated OFW nga Covid-19 positive nagligad nga Mayo.

Ini ang gin-anunsiyo ni Mayor Neil Lizares III.

Suno kay Lizares, ‘fully recovered’ na ang amo nga pasyente matapos mag negatibo ang duha ka mga tests.

Ginpasalamatan sang alkalde ang mga nagbulig pangamuyo para sa pag-ayo sang pasyente.

Panugyan ni Lizares sa mga Talisaynon nga mangin vigilante sa gihapon kag sundon ang mga protocols sang gobyerno kag Inter-Agency Task Force.

Sa record sang Talisay city health office, “as of 8:00 am June 17, 2020”, ang syudad ang may isa ka Covid-19 suspect case, isa ka confirmed kag wala sang probable. | Aksyon Marlon Genovea

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.