TALISAY PNP NADAKPAN ANG TOP 4 SA ILA PRIORITY LIST SA BUY BUST OPERATION

Share on facebook
Share on google
Share on pinterest
Share on twitter
Share on print

Ginakabig nga top 4 sa 10 priority sang Talisay PNP ang nadakpan sa buybust operation sa Purok Tahong Catabla Baybay, Barangay Zone 3, syudad sang Talisay.

Suno kay PMaj Jigger Gemino, hepe sang Talisay PNP, madugay na nila gina-monitor ang aktibidad sang suspetsado nga si Rodolfo Pelle, 28 anyos nga nagapuyo sa amo man nga lugar.

Dugang ni Gemino, sa Purok Cibucao, Barangay Banago, Bacolod sadto nagapuyo si Pelle kag nagabaligya sang iligal nga droga, apang nagsaylo ini sa lugar sang iya ginikanan kag ginpadayon man gihapon ang amo nga hilikuton.

Nakuha sa puder sang suspetsado ang pito ka gramo sang ginapatihan shabu nga may market value nga 47, 600 pesos, 500 pesos nga buybust money, 1,400 pesos nga ginapatihan benta.

Samtang, ginpasalamatan ni Gemino si Talisay City Mayor Niel Lizares nga dako ang suporta sa kapulisan, agud papason ang iligal nga droga syudad. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.