Umpisa subong nga gab-i, Hwebes, gin implementar ang curfew hours sa syudad sang Talisay, Negros Occidental.
Sa Executive Order (EO) No. 16 nga ginpirmahan ni Mayor Neil Lizares III , ang curfew maga umpisa alas 8 sang gab-i tubtub alas 4 sang kaagahon.
Exempted sa curfew ang mga nagabiyahe sang essential goods kag services, mga empleyado sang industriya ukon establisemento, medical kag humanitarian reasons, authorized local government officials kag personnel, kag iban pa nga emerhensiya ukon importante nga hilikuton.
Nasaad pa sa EO nga ang sin-o man nga mag-abuso sa implementasyon sang curfew, ang subject sa disciplinary sanctions. | Aksyon Marlon Genovea