Nakarekord sang Covid-19 zero case ang syudad sang Talisay Negros Occidental umpisa sadtong Agusto 29, 2020.
Ginpahayag ni City Administrator Atty. Jonathan Ealdama, nga isa sa mga rason sa pagnubo sang kaso, amo ang temporaryo nga pagsuspender sa pagbaton sang mga locally stranded individuals sa Negros Occidental.
Dugang pa ni Ealdama, padayon sa gihapon ang mass testing sa plaza publika sang syudad, kada Martes kag Miyerkules.
Nagdugang man sang quarantine facility ang syudad sa buluthuan sang Rafael B. Lacson.
“As of October 14, 2020” nga record sang City Health Office, 24 ang dugang nga recovered patients, kag 11 na ka mga barangay ang hilway sa Covid-19.
Sa kabug-usan 560 ang confirmed cases, 485 recovered patients, 59 active cases kag 16 ang napatay. | Aksyon Marlon Genovea