TALISAY CITY TARGET ANG COVID1-9 FREE CITY SA PANAHON SANG PASKWA

Share on facebook
Share on google
Share on pinterest
Share on twitter
Share on print

Target sang syudad sang Talisay Negros Occidental nga mangin Zero Covid-19 Free City sa panahon sang paskwa.

Ini matapos makarekord sa una nga kahigayonan  sang tatlo ka sunod sunod nga adlaw nga may pinakanubo nga active caseload sang Covid-19.

Sa datos sang PIO Talisay “as of November 26, 2020”, ini ang may 11 na lamang ka mga active cases nga ginakabig bilang pinakanubo umpisa sang pagsaka sang kaso sadtong Setyembre.

Sa karon may 20 naman ka mga barangay ang Covid-19 free.

Nakarekord man ang syudad sang pinakamataas nga recovery rate nga 95%, kag nalampuwasan ang national recovery rate nga 92%.

Nagapati ang syudad nga yara na sila nagapadulong sa full recovery kag mag single digit na lamang ang caseload sa masunod nga semana. | Aksyon Marlon Genovea

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.