Umpisa subong nga adlaw Setyembre 9, 2020, temporaryo nga ginpasirad-an ang City Hall sang Talisay Negros Occidental para sa disinfection.
Sa interview sang Aksyon Radyo Bacolod, ginpahayag ni City Administrator Atty. Jonathan Ealdama nga basi sa gin-isyu nga memorandum ni Mayor Neil Lizares, tubtub Biyernes Setyembre 11 ang pagpasira sa City Hall , kag magabalik ang operasyon sa Lunes.
Dugang pa ni Ealdama, may mga empleyado assign sa city hall nga nagpositibo sa Covid-19 kag asymptomatic. Suno sa City Administrator, tikang ini agud maproteksyonan ang iban pa nga mga empleyado nga indi malatnan sang virus, kag mapatigayon ang contact tracing.
Sa record sang Talisay City Health Office “as of 9:00 pm September 8, 2020”, 239 na ang Covid-19 confirmed cases, 7 ang patay , 79 ang nakarekober kag 153 ang active cases. | Aksyon Marlon Genovea