TALATAPAN SANG LTO SA CADIZ CITY GIN LOCKDOWN

Share on facebook
Share on google
Share on pinterest
Share on twitter
Share on print

Ginpaidalom sa lockdown ang talatapan sang Land Transportation Office (LTO) sa Brgy. Zone 1 syudad sang Cadiz Negros Occidental umpisa subong nga adlaw, matapos nagpositibo sa Covid-19 ang hepe sini.

Sa interview sang Aksyon Radyo Bacolod, ginpahayag ni Mayor Salvador Escalante Jr., nga nagpositibo man sa virus ang bana sang LTO Chief nga lunsay pumuluyo sang syudad sang Bacolod.

Dugang pa sang alkalde, ulihi nga nagreport sa LTO Cadiz ang hepe sadtong Agusto 12, upod sa iya bana nga amo ang nagadul-ong sa iya.

Kahapon Agusto 18 sang sila ang ginkuhaan sang RT-PCR tests kag nagpositibo sa Covid-19 ang resulta nga ginpaguwa subong nga adlaw.

Suno kay Escalante, nga umpisa subong nga adlaw temporaryo nga ginpasirad-an ang LTO Cadiz agud ipaidalom sa disinfection, kag ginmandoan ang tanan nga mga staffs kag empleyado nga magpaidalom man sa RT-PCR tests.

Nakig-angot na si Escalante sa Assistant LTO Chief sang syudad, agud hambalan ang dugang nga mga tikang nga patigayunon. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.