TALATAPAN NI COUNCILOR ROJAS AMO NA ANG NAGA PROSESO SANG TRAVEL AUTHORITY SANG MGA LSI SA METRO MANILA
Posted by:
News Desk
|
September 24, 2020
at
7:25 pm
Share on facebook
Share on pinterest
Share on twitter
Share on print
Gin pakamaayo ni Councilor Cindy Rojas Chairman sang Committee on Returning Residents sa syudad sang Bacolod nga buligan na lamang sa pag proseso sang PNP travel authority ang mga Locally Stranded Individual ukon LSI nga yara naga tinir sa Metro Manila.
Suno kay Rojas, ini nga inisyatibo ang resulta sang kabudlayan nga na eksperiensyahan sang mga LSI sa pagpila kag pag proseso sang amo nga dokumento sa talatapan sang kapulisan.
Ginklaro man sini nga ang mga LSI lamang nga maga halin sa Manila ang exempted sang amo nga requirement kag wala malakip ang iban pa nga yara sa nagkalain lain nga lugar sa palibot sang pungsod.
Suno pa sa konsehal, amat-amat na nga gina preparar sang iya komitiba ang letter of coordination nga kinahanglanon sa pag biyahe sang amo nga grupo ilabi na sa tion nga mag downgrade ang Community Quarantine status sang syudad pagkatapos sang Setyembre 30. | Aksyon Art Tayhopon
Kinse sa 18 ka mga manok sang pamilya Villasor ang nasapwan nga patay sa wala pa mahibaluan nga rason, sa likod sang ila balay sa Concepcion Village, Barangay Caduhaan, syudad sang Cadiz, Martes sang aga, Marso 19.
Suno kay Lovely Villasor, 26 anyos, bata sang tag-iya las 10:30 gab-i sang Marso 18, nag gwa siya sa ila balay kag gin pasulod sa kurong ang ila mga ido.
Dugang pa, las 11 sang nabatian sini nga naga-gahod ang mga manok rason nga ginpukaw niya ang iya amay apang wala nakabatyag.
Liwat sini gin pukaw ang iya amay mga las 11:30 sang nabatian nga naga ngurob ang ila ido kag pag lili niya sa bintana, gin-alegar nga nakakita sang isa ka babaye nga nakaitom, laba’ buhok kag nagapula ang mata.
Ginlili’ man sang iya amay apang wala sang may nakita rason nga ila lang gin-check sa CCTV kag nakita nga ara na sa dalom sang ginahulunan ang mga manok kag patay na.
Bangud sa kahadlok, wala sila nag gwa sa ila balay kag ginhulat tubtob las kwatro sang aga, Marso 19 didto kag nakita nga patay na ang ila mga manok, ang iban ang may mga kagat sa liog samtang ang iban ang wala na sang kasudlan.
Nag untat man ang record sang CCTV sa tion nga ginpangpatay ang ila mga manok.
Ginklaro sang pamilya nga ila ini gin-post sa social media para sa public awareness kag wala na sang iban pa.
REAKSYON SANG CITY VETERINARY OFFICE
Nagapati si Alex Bacomo, Officer-In-Charge sang Cadiz City Veterinary Office nga halo ukon ido ang may kahimuan kag nagpatay sa 15 ka mga manok sa Barangay Caduhaan syudad sang Cadiz.
Suno kay Bacomo, sa ila inisyal nga paglantaw sa mga litrato kag video, ang halo’ ang masami nagakaon sa kasudlan sang manok.
Dugang pa, madamo na sang amo nga kaso ilabi na sa mga manokan bangud indi makapalagyo ang manok tungod nahigtan.
Indi man ini kahimuan sang man-og bangud nabilin ang lawas sang mga manok.
Ginpanugyan ni Bacomo sa mga residente nga naga sagod sang manok nga magbutang sang tawo nga magabantay para mahibaluan kag makita kon sin-o ang may kahimuan.
Wala ginrekomendar sang Department of Agriculture (DA) ang pagpatigayon sang cloud seeding operations sa Negros Occidental bisan pa nga nagadaku ang kahalitan sang drought kag dry spell tuga sang el niño.
Ini ang ginpahayag ni Governor Bong Lacson, matapos nga ginsumiter sa iya ang findings kag rekomendasyon sang DA – Bureau of Soil and Water Management may kaangtanan sa ila nga pag-assess sa kondisyon sang probinsiya.
Suno kay Lacson nga kun patigayuno ang cloud seeding operations, kapin sa 20,000 ka mga puno sang pahu sa syudad sang San Carlos, Negros Occidental kag 5,000 sa probinsiya sang Guimaras ang maapektohan.
Ang kemikal nga gina-usar sa cloud seeding ang posible nga makatuga sang malain nga epekto sa mga pananom, kasapatan, kag environment.
Sa record sang Office of the Provincial Agricultures tubtub Marso 14, 2024, nagdangat na sa P87,477 pesos ang balor sa kahalitan sang el niño sa mga pananom sa Negros Occidental.