MENU

SYUDAD GINA PABALIK ANG MGA BARANGAY NGA NAG HALIN SA BUSINESS ONE-STOP-SHOP

  • at 5:14 pm
Share on facebook
Share on pinterest
Share on twitter
Share on print

Nanawagan si Executive Assistant Sammy Montoyo Sr. sa mga barangay nga nag halin na sa Business One Stop Shop (BOSS) nga mag balik sa Bacolod Government Center.

Ini matapos nga nagpagwa sang legal opinion ang City Legal Office (CLO) nga dapat patapuson sang mga Barangay ang BOSS tubtob sa Pebrero 29 kasunod nga ini ang gin palawig sang Sangguniang Panlungsod paagi sa pagpasar sang ordinansa.

Suno kay Montoyo, myembro sang ease of doing business core team sang syudad, sa tion nga indi mag balik ang barangay sa BGC, ang CLO ang maga himo sang legal action batuk sa ila.

Una nga nag padala sang sulat ang pila ka mga barangay kay Montoyo nga naga pabalo nga mag balik na sa ila barangay hall sa pag isyu sang barangay clearance matapos nga ila na na akomodar ang kapin 85% sang negosyo sa ila barangay. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC MAGAPATIGAYON SANG SPECIAL REGISTRATION SA MGA EMPLEYADO SANG CLMMRH SA ABRIL 18

April 17, 2024

Magapatigayon ang Comelec Bacolod sang special registration sa mga empleyado sang Corazon Locsin Montelibano Memorial Regional Hospital bwas nga adlaw, Abril 18.

Suno kay Election Officer Atty. Kathrina Trinio-Caña, yara sa 1,800 ang empleyado sang hospital kag masobra isa ka gatos ang nagpabutyag nga magparehistro.

Sa sini nga aktibidad, may patigayunon man nga Register Anywhere Project nga pwede maka parehistro bisan sa iban nga LGU.

Ginpahayag ni Trinio-Caña, nga sa RAP Program, kinahanglan nila nga magpadulong sa mga opisina sang gobyerno kag magrehistro kag ang CLMMRH ang una nga napilian.

Ginklaro ni Trinio-Caña, magapadayon man ang registration sa ila nga opisina sa dalan San Juan sa kilid sang BAYS Center.

Sa maabot nga Sabado, Abril 20, may satellite regustratuib ang Comelec Bacolod sa Barangay Tangub.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG, PATAY BANGUD SA GINAPATIHAN PERTUSSIS

April 17, 2024

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.