SYUDAD GIN KILALA ANG ANUM KA OUTSTANDING BACOLODNONS

Share on facebook
Share on pinterest
Share on twitter
Share on print

Gin hatagan sang pagkilala ni Mayor Evelio Leonardia ang anum ka mga outstanding Bacolodnons kadungan sa pagdumdom sang syudad sang ika-82 nga charter day sa Bacolod Government Center (BGC) subong nga adlaw, Hunyo 18.

Subong nga tuig ang mga awardees ang gina lakipan sang movie director, composer kag apat ka empleyado sang BGC kag nakabaton sang plaque of recognition gikan sa Alkalde.

Ang mga awardees ang gin kilala nga sanday tha late Peque Gallaga, ang multi-awarded actor, director, screenwriter kag filmaker kag Joel “Bagguer” Villaluz Sr, isa ka composer kag lyricist.

Tato ka empleyado sang syudad ang gin hatagan sang pasidungog lakip na si Rizalio Dela Peña, isa ka job order employee sang syudad sa sulod sang 16 na ka tuig.

Rowe Mermejo, isa ka job order employee nga 13 na ka tuig nga naga trabaho sa gobyerno.

Kag Rex Delina nga 10 na ka tuig nga empleyado sang syudad.

Sanday Dela Peña, Bermejo kag Delina ang tanan assigned sa karon sa Office of the Building Administrator.

Gin kilala man sang syudad si Ronnie Llanto, isa ka job order employee nga naga trabaho sa karon sa Department of Public Services, matapos nga iya gin uli ang isa ka wallet nga iya nakita samtang nagatrabaho bilang isa ka street cleaner.

What’s your Reaction?
+1
0
+1
0
+1
0
+1
0
+1
0
+1
0
+1
0

116 KA MANUGSAGOD SANG BABOY SA TALISAY KAG SILAY NAKABATON SANG BULIG PINANSYAL

116 ka mga manugsagud baboy ang nakabaton sang bulig pinansiyal sa idalom sang Hog Raisers Assistance Program sang gobyerno probinsiyal sang Negros Occidental.

Ini nga mga benepisyaryo ang naghalin sa syudad sang Talisay kag Silay nga naapektohan sang pamalatian sang baboy, ilabi na ang hog cholera kag African Swine Fever (ASF).

Sa record sang Provincial Social Welfare and Development Office, may kabug-usan nga 5,000 ka mga benepisyaryo ang pagahatagan sang pinansiyal. Ang pagpanagtag ginapatigayon paagi sa ‘batch by batch’ sandig sa ila compliance sa mga ginaobligar nga dokumento.

Nagligad nga Pebrero, kapin sa 800 ka mga hog raisers sa 4th kag 5th districts nga ang ila mga ginasagud nga baboy ang nahalitan sang ASF, ang ginhatagan sang bulig pinansiyal.

Sa karon may mga hog raisers sa gihapon nga padayon naga-comply sa mga requirements, pareho sang certifications sa barangay kag Municipal Disaster Risk Reduction and Management Offices. | Capitol PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.