SWEEPER FLIGHTS SANG MGA AIRLINE COMPANIES BALIK BYAHE NA

Share on facebook
Share on google
Share on pinterest
Share on twitter
Share on print

Balik ang sweeper flights sang mga airline companies Manila-Bacolod vice versa umpisa subong nga adlaw para sa  mga Returning Residents, Locally Stranded Individuals (LSIs) , kag Returning Overseas Filipinos (ROFs).

Sa flight advisory  nga ginpahibalo sang Negros Occidental Tourism Division umpisa Nobyembre 16 tubtub 30,  una nga magabiyahe  ang Phillippine Airlines subong  nga adlaw, sundan sang Cebu Pacific Air sa Nobyembre 17, kag Philippine Air Asia sa Nobyembre 18. 

Ang sin-o man nga pasahero ang dapat nga magcomply sang masunod  nga mga requirements. Para sa Negros Occidental kag Bacolod bound passengers,  kinahanglan ang Travel Authority halin sa PNP, Medical Certificate sang Government City Health Office,   kag Letter ukon Notice of Acceptance halin sa LGU.

Para naman sa  Manila bound passengers,  Medical Certificate sang Government City Health Office,   kag Travel Authority halin sa PNP.

LALAKI, NAKUHAAN SANG MASOBRA 200K NGA BALOR SANG GINAPATIHAN SHABU

Masobra 200 mil ka pesos nga balor sang ilegal nga droga ang narekober sang mga kapulisan gikan sa isa kag gin-alegar drug pusher kag 3 pa ka iban sa buybust operation kahapon sa  Purok Bino, Brgy. Oringao, syudad sang Kabankalan. 

Ang subject sa operation ginkilala kay Jeffrey Cortez, 46 anyos, residente sang amo nga lugar.

Sa inisyal nga pahayag ni PLt. Jomel Salarda, DCOP sang Kabankalan City Police station, si Cortez ang nalista bilang Top 5 station level drug personality kag naaktuhan nga nagbaligya sang ilegal nga droga.

Narekober sa iya ang 5 ka dalagku nga platic sa sachet sang ginasuspetsuhan shabu ginabulubanta 35 gramos ang kabug-aton nga may dangerous drugs board value 238 mil ka pesos kag nakuha man sa iya ang 1 ka cal. 38 revolver.

Nadakapan man ang mga upod ni Cortez nga sanday Rene Gumarang, 36 anyos, Arnel Sarona 28 anyos lunsay nagapuyo sa  Purok, Paghidaet, Brgy. Tagukon kag

Joseph Eranes 53 anyos, residente sang Brgy. Poblacion, banwa sang Mabinay, Negros Oriental.

Narekober sa posisyon ni Gumarang ang 10 ka sang suspected shabu,  duha pa ka  plastic sachet sang suspected shabu kay Sarona, samtang narekober man kay Eranes ang duha ka transparent plastic sachets sang ginasuspetsuhan shabu.  | Aksyon Alvin Grava

VACCINATION KONTRA COVID-19 SA AYALA MALL NAG UMPISA NA

(Bacolod PIO Photo, May 8, 2021)

Ginkalipay ni City Administrator kag EOC Executive Director Em Ang nga nangin matawhay ang vaccination activity karon nga adlaw sa Ayala Mall.

Suno kay Ang, husto ang desisyon nga ginhimo sang EOC nga indi dapat pagtugutan nga maka pabakuna ukon akomodahon ang pila ka mga indibidwal nga wala maka pa rehistro ukon gina kabig nga mga walk in applicants.

Dugang pa ni Ang, ini na ang estratehiya nga ila paga gamiton umpisa sa masunod nga semana angut sa naga padayon nga vaccination program sang syudad.

Base sa plano sang EOC, yara lamang sa 200 ka mga indibidwal ang ila plano nga akomodahon kada adlaw para malikawan ang pag ginutok sang publiko ilabi na sa mga mall nga ila gin utilize bilang vaccination center. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.