SWAB SAMPLES SANG 4 KA NEGRENSE, GINPADALA NA SA PGC

Share on facebook
Share on google
Share on pinterest
Share on twitter
Share on print

Ginpadala na sang gobyerno probinsiyal sang Negros Occidental sa UP Philippine Genome Center (PGC) sa syudad sang Quezon Manila ang swab samples sang 4 ka mga Negrense nga nag abot sa probinsiya halin sa iban nga pungsod.

Suno kay Governor Bong Lacson, liwat nga ginkuhaan sang swab ang apat agud madeterminar kun infected ang mga ini sa Covid-19 UK variant.

Duha sa apat amo ang mag asawa nga taga banwa sang Pontevedra nga una nagpositibo sa Covid-19 matapos kuhaan sang RT-PCR test pag abot sa Silay Airport sang Enero 16, 2021. Sila ang naghalin sa London United Kingdom (UK) kag nag abot sa Pilipinas Desyembre 30, 2020.

Suno kay Lacson, ang duha nga taga syudad sang Talisay kag Bago ang naghalin naman sa Virgin Island kag Egypt.

Dugang pa sang gobernador, mahibaluan ang resulta sang test sa Myerkules Enero 27.

Gina asikaso naman sang probinsiya ang plano nga pagpasaka sang kaso sa mag asawa matapos magpakilala bilang mga Locally Stranded Individuals kag wala magpanugid nga naghalin sa UK.

Ginklaro ni Governor Bong Lacson nga indi makabig nga local transmission sang Covid-19 UK variant ang kaso sang apat ka mga returning Negrense, sa tion nga magpositibo ang mga ini sa amo nga virus. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.