SUSPETSADO SA PAG BUNO-PATAY SA IYA HINABLOS, HANDA ATUBANGON ANG KASO

Share on facebook
Share on google
Share on pinterest
Share on twitter
Share on print
Bacolod City –   Pursigido nga magpasaka kaso si Cherilyn Salgado batok sa iya utod nga si Arnel Antonio, nagapuyo sa Purok Sigay 2, Barangay Singcang Airport, syudad sang Bacolod matapos ginbuno tubtob nga napatay ang anum ka tuig sini nga hinablos nga lalaki kaina sang kaagahon (Nov. 3). 
Suno kay Salgado nabatian pa sini nga nagapakitlu oy ang hinablos sa suspek samtang ginabuno rason nga nagkadto ini sa poluy-an sang suspek kag nakita na lamang ang hinablos nga madamu na sang kapilasan kag patay na. 
Dugang pa ni Salgado nagpalagyo ang iya utod matapos ang krimen apang nadakpan naman ini makaligad ang pila ka oras. 
Ginkumpirmar man ni Salgado nga madugay na nga nagagamit sang iligal ng droga ang iya utod kag nagapati nga yara sa impluwensya sang droga ang suspek sang natabo ang pagpatay sa iya hinablos. 
Samtang, tuman naman ang paghinulsol ni Antonio matapos mahimu ang krimen kag nag pasiguro nga handa siya nga sabton ang ano man nga kaso nga ipasaka batok sa iya.
Subongman, nanawagan si Antonio sa iya mga abyan, kakilala kag iban pa nga nagagamit sang iligal nga droga nga untatan na bangod wala sang madulot nga kaayuhan.*Reports from Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.