SUSPENSYON SANG PHYSICAL MASS SA BACOLOD, GINPALAWIG

Share on facebook
Share on google
Share on pinterest
Share on twitter
Share on print

Liwat nga gin-suspend ang physical mass sa mga simbahan sa syudad sang Bacolod.

Suno kay Fr. Henry Donasco director sang Commission on Liturgy sang Diocese of Bacolod, umpisa Setyembre 3 tubtob 15 indi magpatigayon sang physical regular mass ang simbahan apang ginapahanugutan ang special masses kaangay sang bunyag, kasal kag misa sa patay apang 10 gid lamang ka tawo ang makasulod sa simbahan.

Ginpahayag ni Donasco nga ginpili nila nga sundon ang executive order nga ginpagwa ni Mayor Bing Leonardia nga 10 lang ang makatambong sa mga religious events sa pihak nga sa idalom sang pagsulundan sang National IATF 10% sang area capacity ang ginapahanugutan sa mga lugar nga ginpaidalom sa General Community Quarantine.

Palayag ni Donasco, ini nga tikang ang ila sabat sa panawagan sang mga healthcare workers nga magpabilin sa sulod sang balay.

MORE STORIES:

LIKE US ON FB

error: Ooops... You are not authorized to copy this content.