SUSPEK SA PAGPATAY SANG TAXI DRIVER, DAKOP SA BUY BUST OPERATION

Share on facebook
Share on google
Share on pinterest
Share on twitter
Share on print
Dakop paagi sa buybust operation nga ginpatigayon sang Himamaylan PNP, Oktubre 23 ang suspetsado sa nagpatay sa isa ka taxi driver nga si Junie Celis sadtong Oktubre 16 sa siudad sang Himamaylan. 
Ginkilala ang nadakpan kay Jan Robert Laureano, 24 anyos kag residente sang Hda. Canugod, Brgy. Bagroy Binalbagan. 
Suno kay Chief Inspector Anthony Benitez, hepe sang Himamaylan PNP makabig nga Street Level Target si Laureano. 
Narekober kay Laureano ang 2 ka small heat sealed transparent plastic sachet sang ginasuspetsuhan shabu kag iban pa nga mga drug paraphernalias. 
Dugang pa ni Benitez, base man sa intelligence report, nga si Laureano ang suspetsado sa pagpatay kay Celis. 
Suno kay Benitez gin ako man sang suspetsado ang krimen nga nahimu batuk kay Celis. 
Sa ila pagpangusisa sa suspetsado nagsakay ini sa South Ceres Bus Terminal kag nagpadul ong sa siudad sng Himamaylan. 
Dugang pa Benitez gin alegar man ni Laureano nahimo niya ang krimen bangud nga naglalisay sila ni Celis sa bayad padulong sa iya destinasyon. 
Sa karon padayon pa ang imbestigasyon sang kapulisan bangud nagapati sila nga may upod si Laureano apisar nga iya gin panginwala nga may kaupod ini sa pag himo sang amo nga krimen.

MORE STORIES:

ANU ANG IMO MA KOMENTO?