SUSPEK NGA NAGBUNO KAG NAGPATAY SA TRICYCLE DRIVER, NAGSUNGKA

Share on facebook
Share on pinterest
Share on twitter
Share on print

Nagsungka sa Bacolod City Police Station 7 ang suspetsado nga nagbuno kag nagpatay sa isa ka traysikol driver sa Purok Mabinuligon, Brgy. Mansilingan syudad sang Bacolod sadtong Sabado sang gab-i (Hunyo 19).

Suno kay Police Station 7 Commander Police Captain Elmer Bonilla, ang suspetsado nga nagsungka ginkilala kay Denmark Delicias, 36 anyos, sang Purok Pedring Brgy. Estefania syudad sang Bacolod.

Sabado sang gab-i sang ginhagad ni Delicias si Delicano nga mag-inom sa ila puloy-an.

Matapos sini may pagbaisay pa nga natabo sa tunga sang biktima kag suspetsado.

Lima ka beses ginbuno sang suspek ang bitkima nga nagresulta sang iya kamatayon.

Suno kay Bonilla. may pagdumot kag kaakig nga ginatago ang suspetsado sa biktima. Gilayon nagpalagyo ang suspek matapos ang insidente.

Ginahingagaw na sang kapulisan ang mga dokumento sa pagpasaka sang kaso nga murder batuk kay Delicias.

Pagpaathag ni Bonilla, hingagawon nila pasaka buwas sa aga ang kaso bangud nga malapit na magtapos ang reglimentary period nga 36 ka oras.

Priso karun si Delicias sa custodial facility sang Police Station 7.  | Aksyon Eric Magbanua, Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.