SUSPECTED ‘SHABU SUPPLIER’ SA BARANGAY 2, DAKOP SA DRUG BUST

Share on facebook
Share on google
Share on pinterest
Share on twitter
Share on print

Dakop ang duha ka mga persona sa buy bust operation sang Philippine Drug Enforcement Agency- Negros Occidental ukon PDEA sa Purok Kagaykay, Brgy. 2, syudad sang Bacolod hapon sang Enero 16.

Ang subject sang operasyon gin alegar isa ka minor de edad kag nadakpan sa amo nga operasyon ang ginakabig sang PDEA-Negros nga pinadako nga drug personality nga nagabaligya sang droga sa amo nga barangay.

Samtang, dakop man ang upod sang subject nga ginkilala kay Wendyl Satur, 22 anyos, sang amo man nga lugar.

Narekober sa amo nga operasyon ang duha ka bulto kag 11 ka palaba nga sachet sang ginasuspetsuhan shabu nga ginabulubanta nagabug-at sang masobra 50 gramos kag may estimated market value nga masobra 200 mil ka pesos.

Suno kay Agent Portugal, tagpamuno dang PDEA-Negros, lunsay mga High Value Target ang mga nagkaladakpan.

Priso karun ang mga nadakpan sa kustodiya sang Police Station 2 para sa nagakaigo nga disposisyon. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.