SULOYOPAN SA VENDORS PLAZA, IPAGUBA NI KAPITAN

Share on facebook
Share on google
Share on pinterest
Share on twitter
Share on print
Ipaguba ni Kapitan Ely Alcantara sang Brgy. 12 syudad Bacolod ang pila ka hayub-hayob sa idalum sang Vendors Plaza, matapos mahibaluan nga ginahimu ini nga suloyopan sang ilegal nga droga. Ginpagayag ni Alcantara, mga pangayaw ukon indi mga taga-Brgy. 12 ang nagakadto sa lugar kag magsuyop. Ginkatingala sang kapitan nga madamu sang naga-guwa-sulod sa amo nga lugar sa tion sang kagab-ihon. Nagligad lamang nga adlaw, ginpadulongan ni Alcantara upod ang mga Barangay Tanod sini, ang lugar kag didto nila naaktuhan ang pagsuyop sang mga kalalakihan, apang madasig nga nakapalagyo ang mga ini. Depensa sang tag-iya, nga ginpa-rentahan sini sa iban nga tawo ang amo nga hayub-hayob kag nagapasugot man siya nga ipaguba ini. Ginpa-blotter naman ni Kapitan Alcantara sa kapulisan ang iya natukiban kag ang plano sini, ipaguba ang mga hayub-hayob. Madumduman, nagreklamu sadto ang mga naga-estar sa Vendors Plaza, matapos nga ipaguba kuntani ini sang syudad, apang tubtub subong wala gihapon ginpatigayon.

MORE STORIES:

LIKE US ON FB

error: Ooops... You are not authorized to copy this content.