(adsbygoogle = window.adsbygoogle || []).push({});

STRANDED NEGRENSES MASOBRA PA 1,400

Share on facebook
Share on google
Share on pinterest
Share on twitter
Share on print

Ginpahayag ni PDRRMO Head Dr. Zephard Caelian nga may yara pa sang 1,461 ka mga registrants ang nag pakigangut sa probinsya para makapuli sa Negros Occidental.

Suno kay Caelian, padayon sila nga magabulig tubtob makapauli ang pinakaulihi nga Negrense nga luyag mag balik sa probinsiya sa pihak nga nagapadayon ang Covid-19 pandemic.

Dugang pa ni Caelian, ila ginasunod ang protocols kag ginapatuman ang 14-day quarantine period para sa mga nagaabot agud mas masiguro nga indi maglapta ang virus sa probinsiya.

Kinahanglan lang suno ky Caelian nga may nagakaigo nga dokumento ilabi na ang certification gikan sa national Inter Agency Task Force agud makabyahe sila papauli sa Negros.

Ginpahayag ni Caelian nga mahibaluan kon makapauli na sila bangud ginatawgan kag ginapabalo sila sang otoridad apang limitado kag amat-amat lamang depende man sa availability sang eroplano kag ang clearance nga ginahatag sang IATF national sa probinsiya.

Naibaluan sa karon, may 105 ka mga persona ang naka quarantine sa EB Magalona facility kag natalana sa mga masunod nga inadlaw may 33 na ang iga release samtang nagapabilin man ang 63 ka persona sa Mambukal resort nga ginhimo man bilang quarantine facility kag 41 ang natalana nga irelease.

Ginpahayag ni Negros Occidental Governor Eugenio Jose Lacson nga ila ginahimo ang tanan agud mangin komportable sa quarantine center ang mga returning Negrenses.

Pagklaro ni Lacson, wala ginpaabot nga makatuga sang dako nga halit ang Covid-19 kag maka apekto sa Negros rason nga indi preparado ang probinsiya.

Pahayag ni Lacson gina-ideyahan kag napangitaan nila paagi nga mangin komportable ang pagtiner sang mga negrense kag nagapangabay man sang paghangop bangud indi man ini isa ka “hotel-like” facility.

Nagpasalamat si Lacson sa lokal nga panguluhan sa siudad sang Cadiz sa pagtanyag sang ila Yolanda Housing nga iga-convert man bilang quarantine facility sa tion nga kinahanglan sang probinsiya.

Madumduman, may mga negrense returnees ang nagreklamo nga wala sang tubig kag may mga kulang pa ang pasilidad. | Aksyon Eden Aboso

MORE STORIES: