PAGPASAR SANG RESOLUTION NGA NAGAPAHANUGOT SANG 250 MIL PESOS NGA SWELDO KADA BULAN SA GENERAL MANAGER SANG CENECO; GINKWESTIYON NI PRESIDENTE LAPORE

Share on facebook
Share on google
Share on pinterest
Share on twitter
Share on print
GINA KWESTYUN ni anay Central Negros Electric Cooperative ukon CENECO President Arnel Lapore ang damlag lang tikang sang board sang CENECO nga pag pasar sang resolution nga naga-grant sang 250 mil pesos nga sweldo kada bulan para kay General Manager Sulpicio Lagarde Jr. Sadtong Septembre 20 nga board meeting sang CENECO, si Vice President Roy Cordova ang nag-move sang resolution nga naga grant sang 250 mil kada bulan nga sweldo ni Lagarde epektibo Oktubre 1. Suno kay Lapore, wala sang guideline ang National Electrification Administration (NEA) nga naga hatag sang otoridad sa board nga i-fix ang sweldo sang General Manager sa 250 mil pesos. Gina kwestyun man ni Lapore, ang 120 mil pesos nga sweldo nga gina baton sa karon ni Lagarde nga aprubado sang NEA bangud dapat 99 tubtob 100% ang Key Performance Standard (KPS) sang isa ka general manager. Suno pa kay Lapore, dapat konsultahon ang pumuluyo ukon may yara sang approval sang Annual General Membership Assemply ukon AGMA ang sweldo sang mga naga trabaho sa CENECO. Nag padala na sang sulat si Lapore sa board sang CENECO nga naga pangabay nga i-recall ang gin pasar nga resolusyon. Naga pati si Lapore nga ma apektuhan ang benepisyo nga makuha ni Lagarde ilabi na nga damlang lang nag desisyon si Judge Remegio Rojo sang Municipal Trial Court Branch 5 nga guilty ini sa kaso nga falsification of documents. Si Lagarde naman ang nag-file na sang Motion for Reconsideration sa pag papati nga ma-reverse ang desisyon.

MORE STORIES:

ANU ANG IMO MA KOMENTO?