20 ANYOS PINAKAHUBEN NGA NAG-FILE COC SA PAGKA KONSEHAL SA BACOLOD

Share on facebook
Share on google
Share on pinterest
Share on twitter
Share on print
20 anyos ang pinakahubin nga nag-file sang Certificate of Candidacy ukon COC nga naga papili sa pagka-konsehal sa syudad sang Bacolod para sa 2019 midterm elections.
Ginkilala ang kandidato nga si Jason Villarosa, nga nagapungko man bilang SK Chairman sang Barangay Sum-ag.

Si Villarosa ang nalakip sa line-up sang Asenso para sa Bwas Damlag sang Bacolodnon-Magbinuligay Kita sa Kauswagan (ABB-MKK).

Suno kay Villarosa, nag papili ini bangud luyag niya nga mahatagan sang tingog ang mga pamatan-on kag indi man basehan ang edad sa pag padalagan sa pagka konsehal.
Suno kay Villarosa, isa siya ka licensed pilot kag nagakuha sang ikaduha sini nga kurso nga Business Administration sa isa ka unibersidad sa Bacolod.
Si Villarosa ang nag daug sa pagka SK Chairman matapos ginlutos ang 4 ka mga kontra sadtong May 2018 SK kag Barangay elections.

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

MANGUNGUMA PATAY MATAPOS GINTIRO SANG GWARDYA

Patay sang gindangat sa Hinigaran Emergency Clinic ang isa ka mangunguma sang luthangon sa Hacienda Bail, Barangay Tuguis, Banwa sang Hinigaran kahapon, Myerkules sang aga.

Ang biktima ginkilala nga si Julius Denagiba, 35 anyos, pamilyado kag nagapuyo sa amo man nga lugar, samtang ang suspetsado nga gwardiya ginkilala kay Rogel Belonio, 55 anyos, pamilyado kag nagapuyo sa Barangay Singcang Airport, syudad sang Bacolod.

Suno kay PMaj Jake Barila, hepe sang Hinigaran PNP, nagpaharab sang karbaw ang anak kag hinablos ni Denagiba malapit sa duta nga ginabantayan ni Belonio.

Pila ka minutos nag-abot ang biktima sa lugar kag nagbaisay sila sang suspetsado tubtob nga ginluthang ini gamit ang 12 gauge shotgun.

Naka-angkon sang malubha nga pilas si Denagiba nga gindeklarar nga patay sa clinic sa Hinigaran.

Padayon pa ginapangita si Belonio kag isa pa ka gwardiya nga upod sini nga si Eric Soriano sang San Isidro, Banwa sang Pontevedra tanan sa idalum sang RHN Security Agency.

Ang biktima isa lang sa madamo nga benepisyaryo sa amo nga duta nga ginapanag-iyahan sang pamilya Magallanes, apang wala pa sang CLOA. 

Dugang ni Barila, bangud nga benepisyaryo ini may daan na nga indi pag-intindihanay ang nga blue guards kag ang mga bepisyaryo sang duta nga ila ginabantayan.

MORE STORIES:

LIKE US ON FB

error: Ooops... You are not authorized to copy this content.