SP SA BACOLOD NAG PASAR SANG RESOLUTION NGA NAGA PANAWAGAN SANG MADASIG NGA PAGSOLBAR SANG KASO NGA PAGPATAY KAY ZARA ALVAREZ

Share on facebook
Share on pinterest
Share on twitter
Share on print

Gin-umpisahan na sang Commission on Human Rights ukon CHR-Negros Occ. ang imbestigasyon angot sa kamatayon ni Zara Alvarez.

Suno kay CHR Head Romeo Baldevarona, sa mando sang CHR- Central office gin umpisahan na kahapon sang CHR Quick Reaction team ang full blown investigation kag tubtub sa karon padayon nga nagatipon sang mga ibedensya upod sa Bacolod City PNP sa pagkilala sa mga suspetsado nga responsible sa pagpatay sa biktima.

Nagapati man si Baldevarona nga si Alvarez biktima sang Extra Judicial Killing nga ginpatay sa indi makatawo nga proseso.

Samtang, ang Sangguniang Panlungsod sa Bacolod ang naga panawagan man sa Bacolod City Police Office, CIDG, NBI kag iban pa nga law enforcement agencies nga hatagan sang madasig nga resolusyon ang natabo nga krimen.

Ang ini nga panawagan ang base sa gin author nga resolusyon ni Councilor Wilson Gamboa Jr. nga aprubahan sang konseho.

Ginponto ni Gamboa,nga ang natabo kay Alvarez makabig nga ‘high crimes’ bangod nagdulot ini sang kakulba sa publiko.

Dugang pa ni Gamboa, sa iya pagkakilala kay Alvarez, isa ini sa mga indibidwal nga nagabulig panawagan para sa interes sang publiko, ilabi na sa Human Rights kag iban pa nga people’s issues.

Gin kondenar nanday Bishop Gerardo Alminaza sang Dioces of San Carlos kag Bishop Patricio Buzon sang Diocese of Bacolod ang pag patay kay Alvarez. | Aksyon Alvin Grava, Aksyon Ann Defensor

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.