SP SA BACOLOD MAGA PATIGAYON SANG ‘VIRTUAL SESSION’ UMPISA BWAS

Share on facebook
Share on google
Share on pinterest
Share on twitter
Share on print

Umpisa bwas nga adlaw, Myerkules, ang Sangguniang Panlungsod sa Bacolod ang maga usar ang Zoom app para sa regular session.

Ini sa tuyo nga indi na kinahanglan nga mag kadto ang mga konsehal physically sa session hall sa Bacolod Government Center para sa regular session sa kada Myerkules nga adlaw.

Suno kay Presiding Officer kag Vice Mayor El Cid Familiaran, ang agenda ang iga padala naman sa kada konsehal paagi sa email.

Sarang masaksihan sang publiko ang session paagi sa livestreaming sa Sangguniang Panlungsod of Bacolod nga FB Page.

Gin kumpirmar ni Councilor Ana Marie Palermo nga may isa siya ka staff nga babaye nga nag positibo sa Covid-19 pero Agusto 4 sang ulihe nga nakakadto sa iya talatapan kag karon maayo na ang kondisyon.

Sa nahibaluan, may yara man sang empleyado nga na assign sa Public Affairs and Assistance Division ang nakakadto sa session hall duha ka semana ang nakaligad kag nag positibo sa Covid-19. | Aksyon Dale Salazar

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.