Aprobado sa regular nga session sang konseho sa syudad sang Bacolod kahapon nga adlaw ang resolusyon nga naga apelar sang moratorium sa tanan nga mga tag-iya sang Mall kag building angut sa renta nga gin bayaran sang mga magagmay nga negosyante.
Suno kay Councilor Simplicia Distrito, author sang amo nga resolusyon, ini nga lihok ang naga tuyo nga ma buligan ang magagmay nga mga negosyante nga apektado sang gin patuman nga mga regulasyon bangud sa epekto sang COVID 19.
Dugang pa ni Distrito, base sa aprobado nga resolusyon ang moratorium nga ila gina apelar ang maga lawig tubtob sa bulan sang Disyembre sini nga tuig.
Naga laum man ang konsehal sa positibo nga pag akto sang mga tag-iya sang building kag mall sa amo nga resolusyon. | Aksyon Art Tayhopon
