SP NAGA PANGABAY SA NTC SANG SPECIAL PERMIT PARA MAGTUKOD KAG MAG OPERATE SANG LOW FM FREQUENCY

Share on facebook
Share on pinterest
Share on twitter
Share on print

Nag pangabay ang Sangguniang Panlungsod sa National Telecommunications Commission ukon NTC sang special permit para sa pagtukod kag pag operate sang Department of Education ukon DepEd Bacolod sang 100 watts nga low FM frequency para sa pagpatuman sang distance learning.

Ini ang base sa resolution nga gin aprubahan sang konseho nga gin author nanday Councilors Renecito Novero kag Al Victor Espino.

Una nga nag pasar sang resolution ang Local School Board sang syudad nga naga pangabay sang special permit sa NTC kag ini ang gin suportahan kag gina endorso sang konseho.

Gin paathag ni Novero, balor 10 milyones pesos ang pondo nga kinahanglanon para sa pagtukod sang 100 watts nga FM frequency nga may isa ka tower kag lima ka channel.

Suno kay Novero, posible wala na sang congressional franchise nga kinahanglan bangud isa man ini ka community radio pero kinahanglan sa gihapon sang permit gikan sa NTC.

Posible suno kay Novero nga sa area sang Bacolod City National High School pagatukuron ang tower.

Suno sa Konsehal, gin tugyanan ni Mayor Bing Leonardia si Executive Assistant Moises Dela Cruz nga amo ang mag follow-up sa pangabay sa syudad sa NTC dire sa lokal. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.