SP NAG PASAR SANG RESOLUSYON NGA NAGA PANGABAY NGA HATAGAN SANG UPDATE ANG KONSEHO SA 119M NGA PONDO PARA SA COVID-19 RESPONSE

Share on facebook
Share on google
Share on pinterest
Share on twitter
Share on print

Gin aprubahan sang Sangguniang Panlungsod sa Bacolod ang resolusyon nga naga pangabay sa City Budget Officer, City Accountant, City Treasurer paagi sa City Mayor’s Office angut sa expenditures kag balanse sang 119 milyones pesos nga pondo nga nabaton sang LGU sa idalum sang Bayanihan Act One para sa Covid-19 response.

Ang resolusyon ang gin author ni Councilor Archie Baribar kag co-proponent dire ang 11 ka mga konsehal lakip na si Councilor Wilson Gamboa Jr.

Ini ang gin aprubahan sa virtual session subong nga hapon, Septembre 16.

Madumduman, nag pabutyag si Gamboa nga ‘gin patay’ sang konseho ang iya parehas nga resolusyon tinalikdan nga semana matapos nga wala ini na aprubahan.

Suno kay Baribar, tinalikdan nga semana ala 1:20 sang hapon sang Septembre 10 sang manugpuli na ang mga konsehal sang nag oral motion si Gamboa angut sa iya resolusyon kag wala sang may nag seconded.

Tinalikdan nga semana takna las 10:30 sang aga nag patigayon sang vitual session ang konseho.

Dugang pa ni Baribar, ang resolusyon ni Gamboa ang kuntane pwede nga ma re-file kag wala kuntane gin malisyahan.

Para kay Baribar, sala ang mga statement nga gin palayag ni Gamboa sa media kag iya ini gina kabig nga indi patas.

Sa virtual session, gin pahayag ni Gamboa, nga iya ginabaton ang mga manifestations sang mga konsehal angut sa natabo sa iya nga resolusyon.

Gina lauman ni Baribar nga makahatag sang update ang mga natungdan nga talatapan angut sa amo nga pondo antes nga ma release ang dugang nga pondo sa idalum sang Bayanihan Act Two. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.