SP NAG PANGABAY SA NATIONAL IATF NGA IKONSIDERAR ANG 60 TUBTOB 70 ANYOS NGA MAKABAKAL SANG ILA KINAHANGLANON

Share on facebook
Share on google
Share on pinterest
Share on twitter
Share on print

Nag pangabay ang Sangguniang Panlungsod sa National IATF nga ikonsiderar ang 60 tubtob 70 anyos nga mga senior makagwa sa ila puluy-an para magbakal sang ila mga kinahanglanon.

Ini matapos gin aprubahan sang SP ang resolusyon nga gin-author ni Councilor Arcihe Baribar, chair sang Committee on Senior Citizen and Veterans Affairs.

Suno kay Baribar, madamo sang limitasyon ang mga 60 anyos pasaka nga mga tawo base man sa executive order sang gobyerno national sa idalum sang community quarantine.

Dugang pa ni Baribar, naga pabangay ini sa National IATF nga kon mahimo himuon nga 70 anyos pasaka ang edad nga limitahan ang hulag sang tawo.

Suno kay Baribar, madamo pa sang mga senior citizen nga yara sa amo nga age bracket (60 tubtob 70) nga may kapasidad kag ang iban ang bag-o lamang nag retiro.

Gin klaro ni Baribar nga ini ang sentemyento sang SP kag subject pa sa approval sang National IATF. | Aksyon Dale Salazar

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

BABAYE PILASON SANG GINBUNO SANG LIMA KA BESES

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.