SP NAG APILAR SA BACIWA, CENECO KAG MGA TELCO COMPANY NGA I-SUSPEND ANG DISCONNECTION TUBTOB SA KATAPUSAN SANG 2020

Share on facebook
Share on google
Share on pinterest
Share on twitter
Share on print
(Virtual session, September 10, 2020)

Naga apilar ang Sangguniang Panlungsod sa Bacolod sa CENECO, Baciwa, mga telco company kag iban pa nga utility company nga i-suspend ang disconnection tubtob katapusan sang tuig kasunod sang pag paidalum sa syudad sang Bacolod sa Modified ECQ.

Ini ang base sa aprubado nga resolution sang SP nga gin author ni Councilor Simple Distrito kag gin aprubahan sa virtual session sang konseho, Setyembre 10.

Nasaad sa resolution nga damlag lang gin paidalum ang Bacolod sa MECQ nga kalabanan sa mga negosyo ang maga sira kag suspendido ang public transportation.

Suno sa Konsehal, kon wala sang negosyo, ang mga tawo ang wala man sang income para mag bayad sang ila utilities kag kon may yara man sila sang inugbayad, indi nila ini mahatag on time bangud wala sang masakyan nga public transportation.

Naga laum si Distrto nga maka intiende ang mga utilities tubtob nga maka recover ang mga tawo.

Si Councilor Wilson Gamboa Jr ang co-author sang resolution. | Aksyon Dale Salazar

PLACIDO NANGABAY SA BARANGAY OFFICIALS NGA SUPORTAHAN ANG BAG-O NGA COPs

Ginahingyo ni BCPO Director Col Manuel Placido sa mga barangay officials nga buligan kag ihatag ang ila suporta sa mgabag-o nga Chief Of Police sa ila nasakupan nga lugar.

Suno kay Placido, ano man nga suporta ang ginhatag samga anay hepe, kabay pa nga ihatag man sa bag-o nga magapungko.

Palayag ni Placido, kahapon nga adlaw ang pagpungko sang bag-o nga mga station commanders apang subong nga adlaw lang sila nagpatigayon sang turn-over ceremony.

Gin imbitar man ni Placido ang mga opisyal sang barangay bangud nagapati siya nga kon makilala ang isa kag isa magapadayon ang pagbuligay para sa ikamayo sang ila nasakupan.

Nahibaluan si Major Ramel Sarona ang bag-o nga Chief of Police sang Police Station 1.

Sa Station 2 amo si Lt. Joven Magato, sa Station 4 si Major Jun Ray Batadlan, Station 6 naman si Capt. Leo Estopa, Station 8 si Major Joery Puerto kag ginbalik sa Station 10 si Capt. Armilyn Vargas. | Aksyon Eden Aboso

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.