SP GINA DUSO NGA IPAIWAY ANG PAG BUKAS SANG KLASE SA AGUSTO

Share on facebook
Share on pinterest
Share on twitter
Share on print

Gina duso sang Sangguniang Panlungsod sa Bacolod nga i-defer ukon ipaiway ang pag bukas sang klase sa Agusto 2020 kag para malikawan ang tradisyonal nga face-to-face nga klase bangud sang pamahog sang Covid-19.

Ini matapos gin aprubahan ang resolusyon nga gin author ni Councilor Renecito Novero, chair sang Committee on Education.

Suno sa Konsehal, may palayag na si Education Secretary Leonor Briones nga maga bukas ang klase sa Agusto 24.

Pero suno kay Novero, base sa report sang DOH, naga saka ang Covid-19 cases sa Pilipinas sa kada adlaw.

Suno kay Novero, delikado para sa mga estudyante kag manunudlo kon mag bukas ang klase usar ang traditional nga pamaagi.

Suno sa Konsehal, may pangawagan man sa mga ginikanan kag pila ka opisyal nga ipaiway ang pag bukas sang klase tubtob nga mag subside ang pamahog sang Covid-19.

Naga pati ang konsehal nga kon ipaiway ang pag bukas sang klase, indi ma jeopardize ang educational system kundi para ma proteksyunan ang mga estudyante, manunudlo kag ang pungsod.

Ang aprubado nga resolution ang ipadala kay Presidente Rodrigo Duterte, kay Briones, sa Alkalde, sa mga opisyal sang probinsya kag sa iban pa. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.