SP GIN APRUBAHAN SA FINAL READING ANG MANDATORY NGA PAGSUKSOK SANG FACE SHIELD SA PILA KA MGA LUGAR

Share on facebook
Share on google
Share on pinterest
Share on twitter
Share on print

Gin aprubhan na sang Sangguniang Panlungsod sa Bacolod sa second, third kag final reading ang pag amyenda sang City Ordinance 926 angut sa mandatory nga pag suksok sang face shield sa pila ka mga lugar sa virtual session subong nga hapon, Myerkules.

Ang existing nga ordinansa ang naga cover lamang sa mandatory nga pag suksok sang face mask kag pagtuman sang social distancing.

Bangud sini, ang ordinansa ang paga tawgon na nga Face Mask, Face Sield and Social Distancing Ordinance of Bacolod City.

Nasaad sa amendatory ordinance nga required na mag suksok sang face shield sa pampubiko nga lugar, sa sulod sang supermarkets, public markets, malls, public transportation, kag enclosed offices kag establishments.

Sa virtual session, gin pahayag ni Councilor Archie Baribar, author sang ordinansa, nga iga publish pa sa local newspaper ang aprobado nga ordinansa antes ini ang ipatuman.

Papanaugan sang penalidad nga 200 pesos ang mga Bacolodnon resident nga mag bayolar sang ordinansa ukon walo ka oras nga community service samtang 300 pesos naman para sa mga violator nga indi taga Bacolod.

Una na sadto nga gin pahayag ni Vice Mayor El Cid Familiaran, nga sa tion nga ma aprubahan ang ordinansa, ini ang malakip na sa trabaho sang Task Force Disiplina.

Sa press conference subong nga hapon, nag pasalamat si Mayor Evelio Leonardia sa sini nga tikang sang konseho. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.