SP GIN APRUBAHAN ANG RESOLUTION NGA NAGA ENDORSO SA NATIONAL IATF ANG SULAT NI RICARDO NOBLE NGA TUGUTAN ANG PAG PATIGAYON SANG PABULANG SA BACOLOD

Share on facebook
Share on google
Share on pinterest
Share on twitter
Share on print

Gin aprubahan sang Sangguniang Panlungsod sa Bacolod ang resolution nga naga endorso sa National IATF sang sulat ni Ricardo Noble sang New Negros Coliseum nga kon mahimo tugutan ang pag patigayon sang bulang sa syudad sang Bacolod nga naga tuman sa mga health protocol sa ila virtual session kaina sang hapon, Setyembre 2.

Ini kasunod nga nag padala sang sulat si Noble sa Konseho nga naga pangabay nga tugutan sila nga mag patigayon sang pabulang sa New Negros Coliseum.

Suno kay Councilor Al Victor Espino, chair sang committee on ways and means kag nag author sang resolution, ang cockfighting industry sa Bacolod kag Negros Occidental ang naga bulig sa local economy ukon gina banta 700 million pesos sa kada tuig.

Dugang pa ni Espino, base sa guideline sang National IATF, gina dilian ang pagpatigayon sang bulang kag wala ini nadala sa exemptions sa pagpatigayon sang social activities.

Gin paathag ni Espino, ang pag aprubar sang resolution ang wala naga buot silingon nga pwede na makapabulang kundi kinahanglan pa nga hulaton ang mangin sabat sang gobyerno nasyunal.

Naga laum si Espino nga paboran sang National IATF ang ila gin endorso bangud makabulig man ini sa mga naga trabaho sa amo nga industriya.

“Favorably endorsing to the National IATF the letter of Ricardo Noble to allow them to hold cockfighting activities in Bacolod subject to health protocol imposed by the National IATF. Subject to style,” Suno kay Espino.

Sa idalum sang Executive Order No. 57 ni Mayor Bing Leonardia gina dilian ang pagpatigayon sang bulang sa idalum sang General Community Quarantine.

MORE STORIES:

LIKE US ON FB

error: Ooops... You are not authorized to copy this content.