Pinal na nga gin-aprobahan sang Sanguniang Panlalawigan (SP) sa regular nga sesyon subong nga hapon, ang P4.4 billion nga provincial budget sang Negros Occidental para sa 2021.
Ini ang ginkompirmar ni SP Secretary Atty. Maki Angel Ascalon sa Aksyon Radyo Bacolod.
Una diri ginpahayag ni Vice Governor Jeffrey Ferrer nga luyag nila nga mapadasig ang pag-aprobar sa budget , bangud ini ang mas ginakinahanglan sang probinsiya agud mapadayon ang kampanya kontra Covid-19 pandemic.
Sa kabug-usan, ang 2021 general fund budget ang nagabalor sang P4.471,695,065.
Sa sini nga budet, P3.9 billion ang naghalin sa Internal Revenue Allotment, P98 million sa tax revenues P380 million sa non tax-revenues. | Aksyon Marlon Genovea