MENU

SOLTERO, PILASON MATAPOS GIN LABO SA HINOBA-AN

  • at 5:28 pm
Share on facebook
Share on pinterest
Share on twitter
Share on print

Pilason ang isa soltero sang ginlabo sa Purok 2, Barangay Culipapa, Banwa sang Hinoba-an.

Ang biktima ginkilala kay Jemarch Gimong, 27 anyos, samtang ang suspetsado ginkilala naman kay Romeo Tolentino, 55 anyos tanan nagapuyo sa amo man nga lugar.

Sa imbestigasyon sang Hinoba-an PNP, una nga naglalisay ang biktima kag asawa sang suspetsado, apang natambagan yadto.

Likom sa ihibalo ni Gimong nagdumot ang ang bana nga si Tolentino kag samtang gakatulog ini sa iya puloy-an ginsulod ini kag ginlabo kag karun ginabulong sa hospital.

Yara na aman sa kostudiya sang Hinoba-an PNP ang suspetsado. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

CELL NO. 4 PAGATUKURON SA LANDFILL SANG BACOLOD

April 18, 2024

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

What’s your Reaction?
+1
0
+1
0
+1
0
+1
0
+1
0
+1
0
+1
0

INCOME SA PANAAD 2024 NAGDANGAT NA SA 4.4M

April 18, 2024

Naglab-ot sa P4.4 million pesos ang benta nga naganar sang mga kiosko sa ikaduha nga adlaw sang Panaad sa Negros Festival sa Panaad Park and Stadium Brgy. Mansilingan syudad sang Bacolod.

Sa datos nga ginpresentar sang gobyerno probinsiyal, pinakadaku nga naganar ang mga pavillon sang local government units nga may P2.4 million, ginasundan sang san miguel / garden show P1.1 million, food alley P400,000 , provincial veterinary P310,000 , trade fair MUAD P85,000, kag Office of the Provincial Agriculturist P58,000.

Nag-umpisa ang mga aktibidad sa Panaad sang Abril 15 kag magatapos sa Abril 21, 2024.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.