SOLTERO, NAKUHAAN SANG 61K NGA BALOR SANG GINA PATIHAN SHABU SA SILAY CITY

Share on facebook
Share on google
Share on pinterest
Share on twitter
Share on print

Nadakpan ang isa ka soltero sa buybust sa Don Generoso Street, Barangay 1, Syudad sang Silay.

Ang suspetsado ginkilala kay Cedric Miravalles, 25 anyos kag nagapuyo sa amo man nga Barangay.

Ginpangunahan mismo ni PMaj Rollie Pondevilla, hepe Silay City PNP kag tigayon nga nabakalan sang ginapatihan shabu si Miravellas nga gilayon nakunpiskar sa iya puder ang 61, 800 pesos sang shabu, drug paraphernalia, 3,500 buy-bust money kag cellular phone.

Ang suspetsado priso na sa costudial facility sang Silay PNP kag mangatubang sang kaso sa paglapas sang Republic Act 9165 okon Conprehensive Dangerous Drugs Act of 2002. | Aksyon Bryan Morden

KASO BATUK SA LIMA KA NEGRENSE ROFs, GINAPREPARAR NA

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

PLACIDO NANGABAY SA BARANGAY OFFICIALS NGA SUPORTAHAN ANG BAG-O NGA COPs

Ginahingyo ni BCPO Director Col Manuel Placido sa mga barangay officials nga buligan kag ihatag ang ila suporta sa mgabag-o nga Chief Of Police sa ila nasakupan nga lugar.

Suno kay Placido, ano man nga suporta ang ginhatag samga anay hepe, kabay pa nga ihatag man sa bag-o nga magapungko.

Palayag ni Placido, kahapon nga adlaw ang pagpungko sang bag-o nga mga station commanders apang subong nga adlaw lang sila nagpatigayon sang turn-over ceremony.

Gin imbitar man ni Placido ang mga opisyal sang barangay bangud nagapati siya nga kon makilala ang isa kag isa magapadayon ang pagbuligay para sa ikamayo sang ila nasakupan.

Nahibaluan si Major Ramel Sarona ang bag-o nga Chief of Police sang Police Station 1.

Sa Station 2 amo si Lt. Joven Magato, sa Station 4 si Major Jun Ray Batadlan, Station 6 naman si Capt. Leo Estopa, Station 8 si Major Joery Puerto kag ginbalik sa Station 10 si Capt. Armilyn Vargas. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.