SECTIONS

SOLTERO GINTIRO, PATAY

  • at 5:35 pm
Share on facebook
Share on google
Share on pinterest
Share on twitter
Share on print

Wala makaluwas sa kamatayon ang isa 28 anyos nga soltero sang ginluthang sa Sitio Plaza, Barangay Lemery, Banwa sang Calatrava mga las 6 kagab-e, Pebrero 21.

Ang biktima ginkilala kay Dindo Villacorte kag nagapuyo sa amo man nga lugar.

Suno kay PMaj Robert Indiape, hepe sang Calatrava PNP, nagapungko si Villacorte sa isa ka vulcanizing shop sang may nagdulog nga motorsiklo sakay ang tatlo ka tawo.

Isa sa ila nagpanaog kag naghambal pa nga “mapabulkit”, kag dala hunos sang armas luthang kag ginluthang ang biktima sang makapila ka beses kag gilayon nagpalagyo.

Ginhingagaw dala sa hospital sa San Carlos City si Villacorte, apang gindeklarar nga patay.

Nakarekober ang otoridad sang anum ka basiyo kag isa ka balines sang kalibre 45.

Dugang ni Indiape, ang napatay napriso sadto sa kaso nga pagpangawat.

Apang ang angulo nga ginatutokan sa imbestigasyon amo ang pagtimalos sang ini ang aktibo pa nga miyembro sang AKHRO fraternity.

Sa karon, wala pa sang may matumod nga suspetsado ang mga otoridad. | Aksyon Bryan Morden

ANAY PRISO NAKUHAAN SANG 207K NGA BALOR SANG SUSPECTED SHABU

February 24, 2021

Naglambot sa 207,000 pesos nga balor sang ginasuspetsuhan shabu ang nakuha sa isa ka 39 anyos nga lalaki sa buy-bust operation sang Police Station 8 sa Bagong Dalan, Brgy Singcang-Airport syudad sg Bacolod Myerkules sang gab-i, Pebrero 24.

Ang nadakpan ang ginkilala kay Eugene Padilla kag residente sang Barangay 20 sa amo nga syudad.

Suno kay Major Joery Puerto, 10 ka tuig na priso sa New Bilibid Prison si Padilla bangud man sa ilegal nga droga kag nagligad nga tuig lang nakagwa sa prisuhan apang nagbalik sa ilegal nga aktibidad.

Nakuha kay Padilla ang 7 tanan ka sachets sang ginasuspetsuhan shabu bulubanta may kabug-aton nga 30.5 gramos.

Si Padilla ang priso karon sa custodial facility sang Police Station 8. | Aksyon Eden Aboso

BUSINESS SECTOR MAGASAPOL KAY COUNCILOR ESPINO SA MGA NAGLUNTAD NGA PAGPANIRO SA SYUDAD

February 24, 2021

Magapatigayon sang pagsinapol ang mga negosyante upod kay Councilor Al Victor Espino, chairman sang Committee on Police Matters sa Bacolod agud masolusyonan ang pinatyanay sa siudad.

Sa interview sa Aksyon Hotline, ginpahayag ni Metro Bacolod Chamber of Commerce and Industry (MBCCI) President Frank Carbon nga magasapol sila upod kay Espino kag magaplastar sang suhestyon nga mahimo himuon sang siudad agud matapna ang pinatyanay.

Magluwas sa dugang nga police visibility, isa sa una nga ginasuhestyon sang mga negosyante amu ang pagpahamtang sang suga sa mga dalanon sa Bacolod ilabi na ang mga naligwin nga lugar.

Suno pa kay Carbon, indi dapat pag-tratuhon nga ordinaryo ang sunod-sunod na nga pinatyanay sa siudad sang Bacolod.

Dugang pa ni Carbon, bilang negosyante, maka-apekto gid ini sa ila kag sa ekonomiya sang Bacolod bangud sa posible kahadlok nga ituga sa mga negosyante nga luyag mag-invest sa siudad.

Ginpahayag ni City Councilor Al Victor Espino, nga iya na ginatugyan sa kapulisan ang pag imbestigar sa kaso sang mga pagpangluthang  sa syudad sang Bacolod.

Suno kay Espino, ang Sangguniang Panlungsod ang indi ‘proper body’ para ma solusyunan ang amo nga problema kag dapat manguna dire ang law enforcement agency kaangay sang Bacolod City Police Office.

Para kay Espino, sang nag umpisa ang karon nga administrasyon, kag karon manugtapos na ang ila termino, tubtob karon wala pa ini masolusyunan.

Dugang pa sang Konsehal, para sa iya mas nakahibalo kag naka intiende ang kapulisan sa ila nga trabaho.

Sa nahibaluan, humalin Enero tubtob Pebrero 24, dose ka mga insidente sang pagpangluthang ang nagluntad sa separado nga mga lugar sa Bacolod. | Aksyon Dorel Cabatu, Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.