SOLDADO PILASON SA ENKWENTRO SA GIN ALEGAR NPA SA GUIHULNGAN CITY

Share on facebook
Share on google
Share on pinterest
Share on twitter
Share on print

Pilason ang isa ka suldado sa naenkwentro sang 62nd Infantry Battalion sang Philippine Army ang gin-alegar miyembro sang New People’s Army ukon NPA sa sa Sitio Inangaw, Barangay Sandayao, Syudad sabg Guihulngan, Negros Oriental sadtong Miyerkules sang gab-i.  

Suno kay 3rd Infantry Division Spokesperson Army Major Cenon Pancito, ginabulobanta 15 ka persona ang nasumalang sang tropa sang gobyerno. 

Naglawig sa 10 minutos ang pagbaylohanay sang lupok sa magtimbang nga bahin. 

Yara naman sa hilway nga sitwasyon ang suldado nga naigo sang bala, samtang padayon pa ang pag-usisa kun may pilason man sa bahin sang NPA. 

Dugang ni Pancito, ini ang resulta sang suporta sang pumoloyo sa gobyerno nga papason ang NPA paagi sa ila pagpabalo sa presensya sang amo nga grupo sa ila lugar.

Nahibal-an, ang Guihulngan amo ang lugar sa probinsya sang Negros Oriental nga masami ginaluntaran sang enkwentro.  | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.