Patay ang isa ka miyembro sang Philippine Army sang ini ang gin ambush sa Sitio Compound, Barangay Luz, syudad sang Guihulngan sadtong Miyekules sang hapon.
Ang napatay ginkilala kay Corporal Mark Anthony Quiocson, legal ang edad kag pumoloyo sa Syudad sang Himamaylan.
Suno kay 303rd Infantry Brigade Commander Col Inocencio Pasaporte, sakay ang biktima sa iya motorsiklo halin sa Isabela sang ambusan sang gin-alegar lima ka myembro sang New People’s Army ukon NPA.
Dugang ni Pasaporte, ginkuha pa sang mga NPA ang iya personal nga gamit lakip na ang iya service firearm. Si Quiocson ang miyembro sang 62nd Infantry Battalion nga nabase sa Community Support Program sa Barangay Banwague sa amo nga syudad.
Padayon pa ang imbestigasyon sang otoridad. | Aksyon Bryan Morden