SK BACOLOD NAGABATON DONASYON PARA SA FLASH FLOOD VICTIMS

Share on facebook
Share on google
Share on pinterest
Share on twitter
Share on print

Bukas ang SK Federation Office sa Bacolod Government Center para mag baton sang donasyon sa mga biktima sang pagbaha sa Northern Negros.

Suno kay SK Federation President kag Councilor Ayesha Joy Villaflor, naga baton sila sang in-kind donation lamang kag wala sang cash donation para malikawan ang malisya.

Naga panawagan si Villaflor sa publiko nga mag bulig sa sini nga kampanya kag prayoridad nga bulig ang pagkaon, tubig, toiletries, gatas, face mask, alcohol kag bayo.

Nag panugyan si Villaflor nga kon mahimo i-sanitize na ang mga bayo nga luyag idonar.

Nag pakig-angut na sa ila mga counterpart sa iban nga LGUs nga nahalitan sang pag baha ang SK sa Bacolod.

Ang donasyon ang para sa mga biktima sang pag baha sa syudad sang Talisay, Silay, Victorias, Cadiz, Sagay kag banwa sang E.B Magalona.

Pwede man nga mag pakig-angut sa numero nga 0942-947-5316. | Aksyon Dale Salazar

RESORT NGA NAGPATIGAYON SANG FOAM PARTY, GINPASIRA

Gin kumpirmar ni City Administrator kag EOC Executive Director Em Ang ang gin himo sang syudad nga pagpasira sang resort sa Barangay Pahanocoy syudad sang Bacolod nga nagpatigayon sang Foam Party pagkatapos sang blessing tinalikdan nga semana.

Suno kay Ang, base sa imbistigasyon nga gin patigayon sang EOC, klaro nga may yara sang na komitir nga bayolasyon ang pamunuan sang resort ilabi na nga wala nila gin pahibalo ang Punong Barangay sa lugar angut sa nga aktibidad magluwas lamang sa blessing activity nga ila gin pangayuan sang pahanugot.

Dugang pa ni Ang, nagpatigayon man sang inspection ang mga personnel sang Permits and Licensing Division sa lugar sa diin ila na diskobrehan nga ini ang wala pa sang kumpleto nga mga permit agud sa pag bukas sang ila operasyon.

Ang amo nga closure order ang gin serbe sang Biernes sang hapon, Enero 22 paagi sa talatapan sang City Legal Office kag Permits and Licensing Division. | Aksyon Art Tayhopon

28 KA LSI SA DSB, NEGATIBO SA COVID-19

Nag negatibo sa Covid-19 RT-PCR test ang 28 ka mga Locally Stranded Individuals (LSIs)  nga nagpauli sa  Don Salvador Benedicto Negros Occidental halin sa syudad sang Cebu.

Ini ang gin anunsiyo sang Municipal Inter-Agency Task Force COVID-19  sa  Don Salvador Benedicto  official facebook page paagi kay Mayor Marxlen Dela Cruz.

Bangud sini nagapabilin sa gihapon bilang Covid-19 free municipality ang DSB.

Sa record sang  DSB Local IATF  tubtob January 19, 2021, ang banwa ang may total confirmed cases nga 15 kag lunsay na nga naka rekober.

Ang pagka hilway sang DSB sa aktibo nga kaso sang Covid-19 ang napabilin sa sulod na sang kapin isa ka bulan. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.